Fluturimet e Lufthansa-s për në dhe nga Teherani janë pezulluar deri më 29 mars, tha një zëdhënës i linjës ajrore gjermane për agjencinë franceze të shtypit (AFP)

Të mërkurën, më 14 janar, Lufthansa njoftoi se do të anashkalonte hapësirën ajrore iraniane dhe irakiane deri në njoftim të mëtejshëm, por zëdhënësja sqaroi se nga sot, avionët e grupit do të përdorin “një pistë brenda hapësirës ajrore irakiane”.

Ajo deklaroi gjithashtu se Austrian Airlines, një anëtare e Grupit Lufthansa, nuk do të operojë fluturime për në Teheran para 16 shkurtit.

Të premten, Agjencia Evropiane e Sigurisë së Aviacionit (EASA) rekomandoi që linjat ajrore të shmangin hapësirën ajrore iraniane për shkak të kërcënimeve të SHBA-së për një sulm të mundshëm ndaj Iranit./CNN