Tensionet në shtëpinë e “Big Brother VIP Kosova 4” kanë arritur kulmin pak orë para spektaklit, pas mbërritjes së një zarfi të kuq që ka futur në panik dhe aludime banorët.
Sipas informacioneve të fundit, zarfi misterioz dyshohet se i drejtohet Elijona Binakajt dhe përmbajtja e tij lidhet drejtpërdrejt me zhvillimet jashtë shtëpisë.
Kjo situatë vjen pas rrëfimit prekës që banorja bëri ditë më parë për jetën e saj, një histori që trazoi ujërat jo vetëm brenda formatit, por edhe te familjarët e saj.
Reagimi që mendohet se ka sjellë zarfin e kuq është ai i dajës së Elijonës, i cili publikisht ka kundërshtuar versionin e mbesës, duke dhënë një panoramë tjetër të ngjarjeve. Ky konflikt në distancë mes banores dhe familjarëve duket se ka detyruar Vëllain e Madh të ndërhyjë.
Për momentin, banorët nuk janë në dijeni të adresuesit, çka ka rritur dozat e ankthit në shtëpi.
Mbetet për t’u parë nëse Elijona do të përballet me informacionin nga jashtë dhe si do të ndikojë kjo në rrugëtimin e saj, pikërisht në mbrëmjen kur pritet të zbulohen finalistët e këtij edicioni.