Pas situatave të tensionuara, një tjetër komunikim zyrtar ka mbërritur në shtëpinë e “Big Brother VIP Albania 5”, këtë herë me një vendim që i jep avantazh liderit të shtëpisë.
Pak minuta pasi u konfirmua se Kristi do të vazhdojë të mbajë postin e liderit pavarësisht incidentit të mëparshëm me Rogertin, vëmendja është zhvendosur te ndarja aktuale e banorëve mes shtëpisë dhe ambientit të izoluar, “shpellës”.
Vëllai i Madh ka vendosur t’i japë Kristit mundësinë për të ndryshuar përbërjen e grupeve përmes një shkëmbimi të menjëhershëm.
Në zarfin e lexuar para banorëve thuhet: “Kristi, si lider i shtëpisë Vëllai i Madh të jep mundësinë të bësh një shkëmbim. Mund të kthesh në shtëpi një prej banorëve të shpellës, duke dërguar atje një prej banorëve të shtëpisë. Zgjedhja nuk ndikon në televotim. Duhet ta bësh tani!”
Kështu, Kristi zgjodhi të dërgojë në shpellë Mirin dhe të nxjerrë prej saj Gimbon. Ajo qe mbetet e cuditshme eshte fakti sesi vella i madh nuk reagoi per veprimin e dhunshem te Kristit, duke u bere pale me dhunuesit kur i intereson dhe duke sulmuar banoret kur nuk i intereson.