Gjykata e Lartë ka rrëzuar rekursin e kryebashkiakut të Tiranës, Erion Veliaj.
Burime bëjnë me dije se u rrëzua sot rekursi përmes së cilit Veliaj kërkoi prishjen e vendimit të Apelit të Posaçëm në lidhje me rrëzimin e kërkesës së bërë më përpara nga ai për pavlefshmëri të veprimeve hetimore të SPAK.
Ndërsa më sohet se ky vendim u mor ditën e sotme në dhomë këshillimi nga kolegji penal i përbërë: Albana Boksi, Sokol Binaj dhe Genti Shala.
Kujtojmë se ndaj Veliajt rëndojnë akuzat për veprat penale si:
-Korrupsion pasiv i funksionarëve të lartë shtetërore ose i të zgjedhurve vendorë;
– Korrupsion aktiv i funksionarëve të lartë shtetërorë ose të zgjedhurve vendorë;
-Pastrimi i produkteve të veprës penale ose veprimtarisë kriminale;
-Refuzim për deklarim, mosdeklarim, fshehja ose deklarimi i rremë i pasurive, interesave privatë të -personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim.