Fushë Kosovë 20.02.2026-19:00. Është arrestuar i dyshuari mashkull kosovar, pasi që i njëjti pas një mosmarrëveshje ka sulmuar fizikisht viktimën femër kosovare- bashkëshorten e tij. Me vendim të prokurorit i dyshuari lirohet në procedurë të rregullt.
Një rast i dhunës në familje është raportuar mbrëmjen e kaluar në komunën e Fushë Kosovë, menjëherë pas iftarit, ku një grua dyshohet se është sulmuar fizikisht nga bashkëshorti i saj.
Sipas burimeve brenda Policia e Kosovës, rasti është paraqitur në orët e mbrëmjes, ndërsa viktima ka deklaruar se pas një mosmarrëveshjeje verbale situata ka eskaluar në dhunë fizike.
Ajo ka marrë trajtim mjekësor dhe gjendja e saj raportohet të jetë stabile.
I dyshuari është shoqëruar në stacion policor për intervistim, ndërsa me vendim të Prokuroria Themelore në Prishtinë është liruar në procedurë të rregullt.
Autoritetet kanë bërë të ditur se rasti po hetohet si “Dhunë në familje”, ndërsa ndaj palëve janë ndërmarrë masat e parapara ligjore. Organet e rendit u kanë bërë thirrje qytetarëve që të raportojnë çdo formë të dhunës dhe të kërkojnë ndihmë institucionale.