Autoritetet gjermane kanë anuluar 8,232 leje qëndrimi për shtetas të huaj gjatë vitit 2025, një shifër më e ulët krahasuar me vitin 2024, kur u regjistruan 9,277 raste.
Sipas të dhënave zyrtare të qeverisë gjermane, publikuara pas një pyetjeje parlamentare, urdhrat e dëbimit gjatë vitit 2025 kanë prekur më shumë shtetas nga Gjeorgjia, Shqipëria dhe Turqia.
Statistikat tregojnë se:
671 raste kanë qenë shtetas nga Gjeorgjia
661 raste shtetas shqiptarë
618 raste shtetas turq
Edhe në vitin 2024, këto vende kryesonin listën e urdhrave të dëbimit, ndërsa shtetasit shqiptarë kishin numrin më të lartë të rasteve, me 923 urdhra të regjistruar.
Në përgjigjen zyrtare nuk janë dhënë detaje të mëtejshme lidhur me arsyet individuale apo kategoritë specifike që kanë çuar në anulimin e lejeve të qëndrimit.
Zhvillimi vjen në një kohë kur Gjermania po vijon politikat e rishikimit të lejeve të qëndrimit dhe të emigracionit, ndërsa shifrat tregojnë një fokus të shtuar në kontrollin e dokumentacionit dhe statusit ligjor të shtetasve të huaj.