Ngjarja ka ndodhur në një zonë urbane pranë brigjeve të lumit, ku trafiku është i dendur.
Një ngjarje e pazakontë, por me përfundim fatmirësisht pozitiv, ndodhi këtë të enjte në Paris, ku një autobus ra në lumin Sena, duke shkaktuar panik tek kalimtarët dhe një reagim të menjëhershëm nga shërbimet e emergjencës.
Në automjet ndodheshin katër persona në momentin e aksidentit: drejtuesi i autobusit, ndihmësja e tij, si dhe dy pasagjerë.
Ngjarja ka ndodhur në një zonë urbane pranë brigjeve të lumit, ku trafiku është i dendur dhe manovrat kërkojnë kujdes të shtuar. Dëshmitarë okularë kanë treguar se autobusi duket se ka humbur kontrollin papritur, duke devijuar nga rruga dhe duke përfunduar në ujë brenda pak sekondash.
Ende nuk është e qartë nëse shkaku lidhet me një defekt teknik, një gabim njerëzor apo kushte të tjera të papritura në rrugë.