Një draft-marrëveshje mes SHBA-së dhe Iranit përfshin zgjatjen e armëpushimit për 60 ditë, ndalimin e operacioneve ushtarake dhe angazhimin e Iranit për të mos zhvilluar armë bërthamore, sipas zyrtarëve rajonalë.
Sipas dokumentit, Irani do të rihapte menjëherë Ngushticën e Hormuzit dhe do të merrte masa për rikthimin e trafikut detar në normalitet brenda 30 ditësh.
Drafti përfshin gjithashtu zotimin që Irani të heqë dorë nga rezervat e uraniumit të pasuruar përmes një mekanizmi që do të dakordohet nga të dyja palët.
Një zyrtar amerikan tha se Irani ka rënë dakord në parim për disa nga pikat kryesore, megjithëse jo të gjitha detajet janë finalizuar ende.
Presidenti Donald Trump deklaroi se negociatat “po ecin mirë” dhe se marrëveshja është afër përfundimit, por paralajmëroi se nëse dështon diplomacia, konflikti mund të rikthehet edhe më i ashpër.
Ndërkohë, zyrtarët iranianë thanë se disa çështje mbeten ende të pazgjidhura dhe se bisedimet do të vazhdojnë.
Sipas draftit, çështjet e sanksioneve dhe aseteve të ngrira iraniane do të varen nga zbatimi i marrëveshjes nga ana e Iranit. /cbsnews.com