32-vjeçarja, e cila ka studiuar psikologji dhe numëron qindra mijëra ndjekës në rrjetet sociale, tregoi se një nga protokollet kryesore të sigurisë është i ashtuquajturi “rregulli i 8 sekondave”.
Sipas saj, çdo dhomë është e pajisur me buton alarmi emergjence. Në rast se një punonjëse përballet me një situatë të rrezikshme apo kërcënuese, ajo mund të aktivizojë menjëherë alarmin, ndërsa ekipi i sigurisë duhet të mbërrijë brenda maksimumi 8 sekondash.
Ajo shpjegoi se ky afat kohor është vendosur bazuar në vlerësime të sigurisë, për të garantuar reagim sa më të shpejtë në situata emergjente.
De Noire theksoi se puna e saj nuk lidhet drejtpërdrejt me ofrimin e shërbimeve, por me menaxhimin e përditshëm të strukturës, duke përfshirë sigurinë, pagesat, klientët, sistemet administrative dhe dokumentacionin.
Sipas saj, objekti që menaxhon ka rreth 100 dhoma dhe pret çdo ditë nga 500 deri në 1.000 vizitorë.
Ajo shtoi se personeli i sigurisë trajnohet rregullisht çdo tre muaj për të reaguar me efikasitet maksimal, duke njohur rrugët më të shpejta për ndërhyrje dhe procedurat për hyrje emergjente në çdo ambient.
Sipas saj, prania e kamerave, stafit të shumtë dhe masave të forta të sigurisë e bën shumë të vështirë që të ndodhin incidente serioze pa reagim të menjëhershëm.