{"id":6520,"date":"2026-04-23T00:26:38","date_gmt":"2026-04-23T00:26:38","guid":{"rendered":"https:\/\/factznews.com\/?p=6520"},"modified":"2026-04-23T13:44:41","modified_gmt":"2026-04-23T13:44:41","slug":"shuhet-biznesmeni-dhe-ish-kandidati-i-pd-se","status":"publish","type":"post","link":"https:\/\/factznews.com\/?p=6520","title":{"rendered":"Shuhet biznesmeni dhe ish-kandidati i PD-s\u00eb"},"content":{"rendered":"

Nj\u00eb lajm i trisht\u00eb ka ardhur nga Konispoli! Biznesmeni i njohur, Fatmir Shero ka nd\u00ebrruar jet\u00eb, duke l\u00ebn\u00eb pas nj\u00eb dhimbje t\u00eb madhe te t\u00eb gjith\u00eb ata q\u00eb e njoh\u00ebn dhe bashk\u00ebpunuan me t\u00eb.<\/p>\n

Lajmi i kobsh\u00ebm p\u00ebr ndarjen e tij nga jeta \u00ebsht\u00eb b\u00ebr\u00eb publik nga i biri, Arjol Shero. P\u00ebrmes nj\u00eb postimi n\u00eb rrjetet sociale ai ka ndar\u00eb dhimbjen e thell\u00eb p\u00ebr humbjen e t\u00eb atit dhe ka b\u00ebr\u00eb me dije edhe detajet e ceremonis\u00eb mortore.<\/p>\n

\u201cMe hidh\u00ebrim t\u00eb thell\u00eb njoftoj ndarjen nga jeta t\u00eb babait tim t\u00eb dashur, Fatmir Shero. Varrimi do t\u00eb b\u00ebhet dit\u00ebn e enjte, m\u00eb 23 prill, n\u00eb or\u00ebn 10:00, n\u00eb varrezat e Vlor\u00ebs. Miq, shok\u00eb dhe t\u00eb af\u00ebrm jan\u00eb t\u00eb mir\u00ebpritur t\u00eb na gjenden pran\u00eb n\u00eb k\u00ebt\u00eb dhimbje t\u00eb madhe. Zoti e m\u00ebshiroft\u00eb dhe e past\u00eb n\u00eb kujdesin e Tij\u201d, shkruan ai.<\/p>\n

Ndarja nga jeta e Fatmir Sheros vjen si nj\u00eb goditje e r\u00ebnd\u00eb p\u00ebr Konispolin dhe zon\u00ebn p\u00ebrreth, ku ai njihej si nj\u00eb sip\u00ebrmarr\u00ebs i suksessh\u00ebm dhe nj\u00eb njeri i p\u00ebrkushtuar ndaj komunitetit. I lindur dhe rritur n\u00eb k\u00ebt\u00eb qytet, ai nuk u shk\u00ebput kurr\u00eb nga vendlindja, duke kontribuar nd\u00ebr vite si n\u00eb administrat\u00eb, ashtu edhe n\u00eb fush\u00ebn e biznesit, ku investimet e tij ndikuan drejtp\u00ebrdrejt n\u00eb zhvillimin e zon\u00ebs.<\/p>\n

\n
\n
\n

P\u00ebrtej angazhimit profesional, Shero do t\u00eb kujtohet si nj\u00eb njeri i thjesht\u00eb, i drejtp\u00ebrdrejt\u00eb dhe gjithmon\u00eb pran\u00eb njer\u00ebzve n\u00eb nevoj\u00eb. P\u00ebr shum\u00eb familje dhe bashk\u00ebqytetar\u00eb, ai ishte nj\u00eb mb\u00ebshtetje e r\u00ebnd\u00ebsishme dhe nj\u00eb z\u00eb i fort\u00eb p\u00ebr \u00e7\u00ebshtjet e komunitetit. N\u00eb zgjedhjet vendore t\u00eb vitit 2023, ai kandidoi p\u00ebr kryetar bashkie n\u00eb Konispol, duke d\u00ebshmuar angazhimin e tij p\u00ebr t\u00eb kontribuar edhe n\u00eb jet\u00ebn publike dhe p\u00ebr t\u00eb sjell\u00eb ndryshim n\u00eb qytetin e tij.<\/p>\n<\/div>\n

\n

Lidhur me k\u00ebt\u00eb humbje ka reaguar edhe deputetja e Partis\u00eb Demokratike, Ina Zhupa, e cila ka shprehur dhimbjen p\u00ebr ndarjen e parakohshme nga jeta t\u00eb Fatmir Sheros. P\u00cbrmes rreshtave, Zhupa e cila edhe n\u00eb rrjetet sociale \u00ebsht\u00eb par\u00eb teksa ka ndar\u00eb shum\u00eb biseda me biznesmenin si dhe p\u00ebrgjat\u00eb gjith\u00eb rrug\u00ebtimit t\u00eb tij n\u00eb politik\u00eb i ka q\u00ebndruar af\u00ebr, e ka p\u00ebrshkruar at\u00eb si nj\u00eb njeri t\u00eb p\u00ebrkushtuar, biznesmen t\u00eb suksessh\u00ebm dhe mbi t\u00eb gjitha nj\u00eb njeri q\u00eb i q\u00ebndroi gjithmon\u00eb pran\u00eb komunitetit t\u00eb tij.<\/p>\n

\"Konispoli<\/p>\n

\u201cMe hidh\u00ebrim t\u00eb thell\u00eb mora vesh lajmin p\u00ebr ndarjen e parakohshme nga jeta t\u00eb Fatmir Sheros. Nj\u00eb lajm q\u00eb na tronditi t\u00eb gjith\u00ebve dhe q\u00eb l\u00eb pas nj\u00eb boshll\u00ebk t\u00eb madh tek familja, miqt\u00eb dhe t\u00eb gjith\u00eb ata q\u00eb pat\u00ebn fatin ta njohin dhe t\u00eb bashk\u00ebpunojn\u00eb.<\/p>\n

Fatmiri do t\u00eb kujtohet si nj\u00eb njeri i p\u00ebrkushtuar, biznesmen i suksessh\u00ebm, familjar model dhe nj\u00eb z\u00eb i r\u00ebnd\u00ebsish\u00ebm n\u00eb komunitetin e tij. Kandidat i opozit\u00ebs p\u00ebr kryetar bashkie n\u00eb Konispol n\u00eb vitin 2023, ai dha shembullin e nj\u00eb qytetari q\u00eb beson dhe lufton p\u00ebr qytetin e tij.<\/p>\n

N\u00eb takimin ton\u00eb n\u00eb n\u00ebntor, ai ishte i shqet\u00ebsuar p\u00ebr situat\u00ebn dhe fushat\u00ebn dizinformuese kund\u00ebr mandarinave vendase. Nuk mund ta imagjinoja kurr\u00eb q\u00eb ai do t\u00eb ishte takimi yn\u00eb i fundit. Ngush\u00ebllimet m\u00eb t\u00eb sinqerta familjes, t\u00eb af\u00ebrmve, miqve, shok\u00ebve dhe bashk\u00ebpun\u00ebtor\u00ebve. U preht\u00eb n\u00eb paqe dhe qoft\u00eb i parajs\u00ebs\u201d, shkruan Zhupa.<\/p>\n<\/div>\n<\/div>\n<\/div>\n


\n<\/p>\n