Rojet Revolucionare të Iranit kanë lëshuar një valë të re raketash ndaj bazave amerikane në Gjirin Persik, raporton televizioni shtetëror, si përgjigje ndaj sulmeve izraelite dhe amerikane ndaj Republikës Islamike, sipas AFP.
Shpërthime kanë tronditur Abu Dhabin dhe qytetet anembanë Gjirit, ndërsa Irani nisi sulme hakmarrëse me raketa pas sulmit të përbashkët SHBA-Izrael në Teheran.
Sistemet e mbrojtjes ajrore u aktivizuan në disa vende, ndërsa raketat shënjestruan vende të lidhura me forcat amerikane, dhe mbeturinat ranë në zonat e banuara.
Emiratet e Bashkuara Arabe konfirmuan se një civil u vra në Abu Dhabi.
Gjithashtu Irani ka sulmuar me raketa edhe Dubai, ku është dëmtuar hoteli Fairmont.
Këto janë momentet kur një raketë balistike godet Dubain.
Një zjarr shpërtheu në hotelin Fairmont DubaiZyra e medias në Dubai konfirmoi më vonë një “incident” në zonën Palm Jumeirah, që rezultoi në një zjarr dhe katër persona të plagosur.
“Mbrojtja Civile e Dubait ka konfirmuar se zjarri është nën kontroll. Katër persona kanë pësuar lëndime dhe janë transferuar në spital,” shtoi zyra e medias.
Goditet Dubai! Frikë dhe panik, thirrje njerëzve të qendrojnë brenda
Irani ka lëshuar raketa balistike drejt Emirateve të Bashkuara Arabe në një kundërpërgjigje ndaj sulmeve të SHBA dhe Izraelit. pic.twitter.com/j7GAOffSpB
— Euronews Albania (@EuronewsAlbania) February 28, 2026