Presidenti i Turqisë, Recep Tayyip Erdogan, ka reaguar me tone të forta pas operacioneve ushtarake të ndërmarra nga SHBA dhe Izraeli ndaj Iranit, duke paralajmëruar për rrezikun e një destabilizimi të mëtejshëm në rajon.
Sipas deklaratave të transmetuara nga agjencia Anadolu, Erdogan i ka bërë thirrje botës islame që të veprojë urgjentisht për të shmangur përshkallëzimin dhe për të rikthyer palët në tryezën e negociatave. Ai ka theksuar se Turqia do të përshpejtojë përpjekjet diplomatike për arritjen e një armëpushimi.
Kreu i shtetit turk është shprehur “thellësisht i shqetësuar” për sulmet ajrore të SHBA-së dhe Izraelit ndaj Iranit, duke deklaruar se situata ka nisur me “provokimet e Netanyahut”.
Nga ana tjetër, Erdogan ka dënuar edhe sulmet me raketa dhe dronë të Iranit ndaj vendeve të Gjirit Persik, duke i cilësuar ato si të papranueshme, pavarësisht rrethanave.
Zhvillimet vijnë pasi SHBA dhe Izraeli nisën sulme ajrore në territorin iranian, ndërsa Teherani u kundërpërgjigj me dronë dhe raketa, duke rritur frikën për një konflikt të gjerë rajonal.
Situata mbetet e tensionuar, ndërsa komuniteti ndërkombëtar