Një plagosje me armë zjarri është regjistruar mbrëmjen e sotme në vendin e quajtur Ura Dervishbeg, në Shkodër.
Sipas informacioneve paraprake, mësohet se ngjarja ka ndodhur pranë një servisi, ku shtetasi Izvin Gucia ka plagosur në këmbë shtetasin Genc Hoxha, 45-vjeç.
Policia bën me dije se Genc Hoxha ka marrë dëmtime në këmbë dhe ndodhet nën kujdesin e mjekëve, jashtë rrezikut për jetën.
Ndërkaq, shërbimet e Policisë kanë shkuar menjëherë në vendngjarje dhe janë vënë në ndjekje të autorit.
Shkodër / Informacion paraprak
Rreth orës 21:10, në vendin e quajtur Ura Dervishbeg, në rrugë në afërsi të një ambienti servis, dyshohet se shtetasi I. G. ka qëlluar me armë zjarri dhe si pasojë, është plagosur shtetasi G. H., 45 vjeç, i cili ka marre demtime ne kembe dhe ndodhet nën kujdesin e mjekëve, jashtë rrezikut për jetën.
Shërbimet e Policisë kanë shkuar menjëherë në vendngjarje dhe janë vënë në ndjekje të autorit.
Ndërkaq, grupi hetimor, nën drejtimin e Prokurorisë, vijon punën për zbardhjen e rrethanave të ngjarjes.