Luiz Ejlli ka dhënë detaje për hyrjen në shtëpinë e Big Brother VIP Albania gjatë një koncerti të mbajtur në Tiranë, duke treguar se lajmi ka nxitur reagime të menjëhershme jashtë ekranit.
Sipas tij, pjesëmarrja në format nuk ka krijuar vetëm interes te publiku, por edhe shqetësim te familjarët e banorëve që ndodhen aktualisht në garë. Luizi bëri të ditur se ka marrë mesazhe direkte nga prindër dhe të afërm të konkurrentëve, të cilët i kanë kërkuar të tregojë kujdes ndaj të dashurve të tyre gjatë lojës.
Nga skena, ai sqaroi se nuk ka synim përplasje personale dhe se prania e tij në BBVA lidhet me aspektin e spektaklit. Luizi theksoi se fokusi do të jetë argëtimi dhe dinamika e lojës, pa pasur qëllim të veçantë ndaj konkurrentëve të tjerë.
“U them gjithë atyre familjarëve të konkurrentëve që më kanë shkruar: ‘Jo po ma ki kujdes djalin, vajzën, mos mi bjer vajzës, mos mi bjer djalit’… nuk kam punë me ta. Thjesht do kënaqemi, keni me u kënaq tu e pa, vetëm kaq po ju them,” u shpreh ai.
Deklarata e bërë gjatë koncertit shërbeu si konfirmim i drejtpërdrejtë i pjesëmarrjes së tij në format dhe si mesazh për familjarët e banorëve se roli i tij në shtëpi do të kufizohet në lojë dhe spektakël.
