Shtëpia e Bardhë ka publikuar takimin e plotë të presidentit të SHBA-ve, Donald Trump, me liderët e vendeve që i janë bashkuar Bordit të Paqes.
Në takim morën pjesë edhe kryeministri Edi Rama dhe presidentja e Kosovës, Vjosa Osmani.
Në përfundim të fjalimit të mbajtur para Bordit të Paqes, Trump ka takuar secalin prej liderëve që iu bashkua nismës së tij. Por, ajo që bie në sy në videon e publikuar nga Shtëpia e Bardhë, në minutat e fundit është hequr takimi mes Ramës dhe Trump. Ndryshe nga ky rast, në pamje shfaqet qartë momenti i shtrëngimit të duarve mes presidentit amerikan dhe Vjosa Osmanit.
Në një moment kur Rama e paraqet pjesëmarrjen në forume ndërkombëtare si dëshmi të ndikimit të tij global, mungesa e takimit në video krijon një kontrast domethënës mes narrativës së promovuar nga vetë Rama dhe imazhit që përcillet nga pamjet zyrtare.
Ndërkohë që vlen të theksohet se Presidentija e Kosovës u prit në një takim edhe nga Sekretari i Shtetit Rubio. Ndërsa Rama ashtu siç shkoi edhe erdhi.